گھرانہ ڈاٹ کام ، سانڈھو اسٹیٹ اینڈ ڈویلپرز کے درمیان معاہدہ

لاہور: گھرانہ ڈاٹ کام نے سانڈھو اسٹیٹ اینڈ ڈویلپرز کے ساتھ معاہدے پر دستخط کر دئیے۔ معاہدہ گھرانہ آفس میں منعقد کی جانے والی ایک تقریب کے دوران کیا گیا۔ معاہدے میں سانڈھو اسٹیٹ اینڈ ڈویلپرز کی جانب سے گھرانہ ڈاٹ کام کو سیلز اور مارکیٹنگ کے خصوصی حقوق پیش کیے گئے۔

تقریب میں گھرانہ ڈاٹ کام کے ریجنل سیلز ہیڈ محمد ناصر ملک اور سانڈھو اسٹیٹ اینڈ ڈویلپر کے چیئرمین چودھری محمد یعقوب نے معاہدے پر دستخط کیے۔ گھرانہ ڈاٹ کام یو کے ہائٹس، لاہور کا خصوصی سیلز اور مارکیٹنگ پارٹنر ہوگا۔

اس موقع پر گفتگو کرتے ہوئے ڈائریکٹر گھرانہ ڈاٹ کام اور ہاسپیٹیلیٹی فرحان جاوید کا کہنا تھا کہ ترقی ہمارا شعار ہے اور اس کے لیے ہم دن رات محنت کے لیے پرعزم ہیں ۔

ان کا مزید کہنا تھا کہ ’’ہم سانڈھو اسٹیٹ اینڈ ڈویلپرز کے ساتھ معاہدے پر پرجوش ہیں۔ اور امید کرتے ہیں کہ معیار اور شفافیت کو یقینی بنایا جائے گا۔ اس سلسلے میں، ہم اپنے اہداف کو عملی جامہ پہنانے کے لیے مشترکہ کوششوں کے منتظر ہیں۔