بابری مسجد کیس کے ججز کو ریٹائرمنٹ پر اعلیٰ عہدے مل گئے

نئی دہلی: مودی سرکار نے مسلمانوں کے خلاف بابری سمجد کا فیصلہ سنانے والے سپریم کورٹ کے تین ججوں کو ریٹائرمنٹ کے بعد اعلیٰ سرکاری عہدوں اور اعزازات سے نواز دیا۔

بھارتی میڈیا کے مطابق مودی حکومت نے بابری مسجد کیس سنانے والے ججوں میں سے ایک رانجن گوگوئی کو ریٹائرمنٹ پر راجیہ سبھا میں خارجہ امور، اطلاعات اور آئی ٹی کمیٹی کا چیئرمین بنادیا۔

دوسرے ایک اور جج عبدالنذیر کو آندھرا پردیش کا گورنر بنا دیا گیا ۔ جسٹس اشوک بھوسان کو ریٹائرمنٹ کے بعد نیشنل ایپلیٹ ٹریبونل کا سربراہ مقرر کردیا گیا۔

یہ تینوں ججز نومبر 2019 میں بابری مسجد کا کیس متنازع فیصلہ سنانے والے پانچ رکنی بنچ کا حصہ تھے جس نے مسجد کو مسمار کرکے مندر بنانے اور مسجد کے لیے کہیں اور جگہ دینے کا فیصلہ سنایا تھا۔

مزید دو ججز کو بھی اعلیٰ سرکاری عہدے پر تعینات کیا جائے گا۔ مودی سرکار کے اس اقدام سے ثابت ہوتا ہے کہ وہ اقلیتوں کے خلاف امتیازی سلوک رکھنے کے اپنے منشور پر قائم ہے۔