فیس بک اور انسٹاگرام کی بھی بلیو ٹک فیس لگانے کی تیاری

لندن: سماجی رابطے کی ویب سائٹ ٹوئٹر کے بعد فیس بک اور انسٹاگرام کے صارفین بھی بلیو ٹک اکاو نٹ کی فیس ادا کریں گے۔

غیر ملکی خبر رساں ادارے کے مطابق میٹا کے سی ای او اور فیس بک کے شریک بانی مارک زکربرگ نے اعلان کیا ہے کہ فیس بک اور انسٹاگرام کے صارفین کو بلیو ٹک کی فیس ادا کرنا ہو گی۔

مارک زکربرگ کا کہنا ہے کہ یہ سروس ابتدائی طور پر اس ہفتے آسٹریلیا اور نیوزی لینڈ میں شروع کی جائے گی۔ انہوں نے کہا کہ آپ اپنا اکاونٹ سرکاری شناختی کارڈ کے ذریعے ویری فائی کرا سکتے ہیں۔ 18 سال سے زائد عمر کے صارفین فیس بک اور انسٹاگرام اکاو نٹس کی ویری فائیڈ سبسکرپشن کے لیے اہل ہیں۔