ذہنی صحت اور بیماریوں کی منتقلی سے متعلق آگاہی سیمینار

فیصل آباد: گورنمنٹ کالج یونیورسٹی فیصل آباد کے شعبہ نفسیات اور ہائر ایجوکیشن کمیشن آف پاکستان کے اشتراک سے ذہنی صحت اور بیماریوں کی نسل در نسل منتقلی کے حوالے سے آگاہی سیمینار کا انعقاد کیا گیا ۔

سیمینار کا مقصد عوام میں بڑھتا ذہنی ڈپریشن، خود کشی کے عوامل اور ذہنی بیماریوں کی نسل دو نسل منتقلی کو روکنے کے لیے آگاہی اور ضروری اقداما ت اٹھانے کے حوالے سے تربیت فراہم کرنا تھا۔

تقریب میں فیصل آباد کے معروف ماہر نفسیات اور ڈسٹرکٹ ہیڈ کوارٹر ہسپتال کے شعبہ نفسیات کے ہیڈ پروفیسر ڈاکٹر امتیاز احمد ڈوگر نے بطور مہمان خصوصی شرکت کی، ان کے علاوہ ڈائریکٹر نیشنل انسٹیٹیوٹ آف پاپولیشن سٹڈیز ڈاکٹر عائشہ شیراز، نشتر ہسپتال ملتان سے ڈاکٹر محمد تحسین اختر، ڈین فیکلٹی آف سوشل سائنسز پروفیسر ڈاکٹر عاصم محمود اور جی سی یونیورسٹی کے شعبہ نفسیات کی چیئرپرسن پروفیسر ڈاکٹر رابعہ خاور بھی موجود تھیں۔

سیمینار کے مقررین نے ذہنی بیماری کے ایک نسل سے دوسری نسل میں منتقلی کے ذمہ دار نفسیاتی عوامل، مسائل اور سماجی پہلو پر روشنی ڈالی۔ اس موقع پر چیئرپرسن پروفیسر ڈاکٹر رابعہ خاور نے کہا کہ ہمیں بحثیت قوم ذہنی امراض کو ختم کرنے اور ایک صحت مند معاشرہ تشکیل دینے کے لیے اپنے فرائض سر انجام دینے ہوں گے