ملیریا سے2021ءمیں 6لاکھ سے زائد اموات کی تصدیق

جنیوا: عالمی ادارہ برائے صحت (ڈبلیو ایچ او) نے کہا ہے کہ2021ءمیں ملیریا سے پوری دنیا میں 619000 اموات رجسٹر ہوئیں جبکہ مجموعی طور پر 24 کروڑ 70 لاکھ افراد امتاثر ہوئے۔

تمام کوششوں کے باوجود اتنی زیادہ اموات تشویشناک ہیں جن سے افریقہ زیادہ متاثر ہوا جبکہ کروڑوں افراد اسکی لپیٹ میں آئے۔ڈبلیوایچ او کی رپورٹ کے مطابق سب سے زیادہ اینوفیلس مادہ مچھروں کے کاٹنے سے ملیریا کے واقعات رونما ہوئے ہیں۔

اینوفیلس مچھر سے علامات پہلے معتدل ہوتی ہیں اور 24 گھنٹوں میں بیماری شدید ہوجاتی ہے جس سے اموات بھی واقع ہورہی ہیں۔ 2020 ءمیں ملیریا کے 24 کروڑ 50 لاکھ واقعات نوٹ کئے گئے تھے۔

کووڈ 19 کی وبا کے دوران دنیا بھر میں ملیریا کے ایک کروڑ 30 لاکھ واقعات رجسٹر ہوئے ، ان میں 95 فیصد افریقہ اور سب صحارا افریقی خطوں میں رونما ہوئے ۔دوسری جانب 80 فیصد مرنے والوں میں وہ بچے شامل ہیں جن کی عمریں5 برس سے کم ہیں۔